النار و انا

الحقيقة النهاردة صادفت ان يكون اول يوم ليا فى التدوين و كمان حقيقة معروفة جدا النار بتاكل كل حاجة انا اكتشفت انى عندى فوبيا من النار لان النهاردة و الحمد لله ان حصل حريقة كبيرة فى المنطقة اللى انا فيها كان على اثرها ان النار دية مسكت فى الشقة اللى تحتها و اللى اعلى منها و لدرجة ان جزء اتهد من البيت اللى ابتدت منة الحريقة و فى نص ما النار اشتدت بصينا لاقينا ناااااااااااار و صوووووت ابتدى خافت و شوية شوية ابتدى يعلى الناس بقت تصرخ مش عارفين الصوت دة بعدة اية المهم بعد شوية جت المطافى و لاقينا ناس طالعين على السطح المجاور للبيت المنكوب و بيحاولو ينقذ الناس اللى فى الدور اللى فوق الشقة دية و اللى مقدروش ينزلو الشارع عشان النار المهم و المفاجاة انهم عرفو ينقذو طفل او طفلة عمرها ميتعداش الشهر اللى ربنا كتبلها عمر جديد عشان لو مامتيتش محروقة يبقى اكيد هتموت مخنوقة لانة طفل صغير ميتحملش كمية الدخان اللى دخلت رئتة
دية قصتى مع النار الغريب انى اتعرضت للقصة دية و انا فى خامسة ابتدائى و لان كنت بلعب بانار حصل حريقة و مكنش عندنا مية و كمان الاوضة اللى حصل فيها كدة كانت متجلدة خشب
الحمد لله ربنا سترها علينا و عوض والدى خير عشان كدة من ساعتها وانا بخاف من النار و الكهربا ربنا يحفظنا اجمعين يارب